Search…

    Saved articles

    You have not yet added any article to your bookmarks.

    Browse articles

    GDPR Compliance

    We use cookies to ensure you get the best experience on our website. By continuing to use our site, you accept our use of cookies, Privacy Policies, and Terms of Service.

    Pulitzer mükafatının 3 qat laureatı Tomas Fridman Tramp haqqında yazıb

    1 week ago

    4

    0

    O, 1970-ci illərin fikirləri ilə dolu bir beyinlə Ağ Evə qayıdır. Müttəfiqlərsiz, hazırlıqsız və hər gün dəyişən xaotik tariflərlə ticarət müharibəsi başladı. Üstəlik, müasir iqtisadiyyatın — dünya üzrə istehsal olunan detallardan yığılan malların — mürəkkəb bir ekosistem olduğunu anlamadan. Bu siyasət artıq bütün amerikalılara təsir edir. Tramp eyni vaxtda əsas müttəfiqləri — Kanada, Meksika, Yaponiya, Cənubi Koreya, Aİ — və əsas rəqibi Çin ilə dalaşır. Eyni zamanda getdikcə daha açıq şəkildə göstərir ki, onun üçün Rusiya Ukraynadan daha vacibdir. Dünya bunu görür və Amerikaya olan etimadını itirir. Bu gün Trampın Amerikası dünyanın gözündə — qanunlardan, Konstitusiyadan və əsas Amerika dəyərlərindən uzaq, impulsiv bir liderin idarə etdiyi təcrid olunmuş bir dövlətdir. Bəs demokratik müttəfiqlər təcrid olunmuş dövlətlərlə nə edirlər? Birincisi, onlar artıq ABŞ xəzinə istiqrazlarını almaqda maraqlı deyillər. Bu o deməkdir ki, ABŞ bu istiqrazlar üzrə faiz dərəcələrini artırmağa məcburdur. Bu isə avtomobil kreditlərindən ipotekalara və dövlət borcunun idarə edilməsinə qədər bütün iqtisadiyyata zərbə vurur. “Trampın dəyişkən qərarları və tarifləri investorları ABŞ dollarından və xəzinə kağızlarından uzaqlaşdırırmı?” – “The Wall Street Journal” bu yaxınlarda sual verdi. Ola bilsin, indi bunu demək tezdir, amma sual vermək vaxtıdır: gəlirlilik artır, dollar zəifləyir — bunlar etimadın itirilməsinin klassik əlamətləridir. Sistemi sarsıtmaq üçün kiçik bir çat kifayətdir. İkincisi, müttəfiqlər artıq institutlarımıza inanmaqda çətinlik çəkirlər. Financial Times yazır ki, Avropa Komissiyası ABŞ-a gedən əməkdaşlarına “birdəfəlik telefonlar” və ən sadə noutbuklar verir — bu tədbirlər əvvəllər yalnız Çinə səfərlər üçün görülürdü. Amerika artıq hüququn aliliyi baxımından etibarlı hesab edilmir. Üçüncüsü, əcnəbilər özlərinə və övladlarına sual verirlər: “Bəlkə artıq ABŞ-da təhsil almağa dəyməz?” Mən bunu Çində dəfələrlə eşitmişəm. İnsanlar qorxurlar ki, övladları əsassız səbəblərlə həbs oluna bilər, qohumları isə məsələn, Salvadordakı həbsxanaya deportasiya edilə bilər. Tramp qanunun aliliyini dağıdır, müttəfiqləri uzaqlaşdırır, dollara olan etimadı sarsıdır və milli birliyi parçalayır. Hətta kanadalılar artıq Las Veqasa səfərlərdən imtina edirlər — onlar təhdid altında olmaq istəmirlər. Əgər Tramp bu dəli siyasəti dayandırmasa, o, Amerikanı güclü, hörmətli edən hər şeyi məhv edəcək. Mən həyatımda ölkəmin gələcəyindən heç vaxt indiki qədər qorxmamışdım. Kamran Cəfərov visiontv.az
    Click here to Read more
    Prev Article
    Ərdoğan Türkiyə - Azərbaycan təbii qaz sahəsi üzrə əməkdaşlıq sazişini təsdiqləyib
    Next Article
    CHP’nin kurultay davasının ilk duruşması görüldü: Kurultay iptali ‘Atatürk’ün partisini savunmakmış’

    Related Local News Updates:

    Comments (0)

      Leave a Comment